Illu illalu pillalu: కొడుకు కోసం నిలబడ్డ రామరాజు.. ఆ ఇద్దరి మధ్య మాటల యుద్ధం!
on Mar 20, 2025
స్టార్ మా టీవీలో ప్రసారమవుతున్న సీరియల్ 'ఇల్లు ఇల్లాలు పిల్లలు(Illu illalu pillalu)'. ఈ సీరియల్ బుధవారం నాటి ఎపిసోడ్-110లో.. ధీరజ్ కష్టపడి వాటర్ క్యాన్లు మోసి సంపాదించిన డబ్బుతో ప్రేమకోసం ఫుడ్ తీసుకుని వస్తాడు. అయితే ప్రేమ వద్దని మొదటి బెట్టు చేస్తుంది కానీ తర్వాత ఆ ఫుడ్ కాస్ట్ ఎంతో అడిగి లెక్కలు రాస్తుంది. ఏంటి రాస్తున్నావని ధీరజ్ అడిగితే.. నువ్వు నాకు పెట్టినది తిరిగి ఇచ్చేయాలి కదా.. అందుకే అది ఎంతో రాస్తున్నా అని రూ.120 లెక్కల్ని ప్రేమ పుస్తకంలో రాస్తుంది. డబ్బులు తిరిగి ఇవ్వడమేంటని ధీరజ్ అడుగగా.. నువ్వు నాపై ఎంత ఖర్చుపెట్టావో ప్రతి రూపాయి తిరిగి ఇచ్చేస్తాను. రేపటి రోజున నువ్వు పదే పదే నీకు తిండి పెట్టావని అంటావ్. ఇప్పటికే నా జీవితాన్ని కాపాడటానికి నా మెడలో తాళి కట్టానని పాట పాడుతూనే ఉన్నావ్. నన్ను చంపుతూనే ఉన్నావ్. నీ టార్చర్ నేను పడలేనురా నాయనా అంటూ ప్రేమ దండంపెట్టేస్తుంది. ఆ తరువాత ధీరజ్ తెచ్చిన ఫ్రైడ్ రైస్‌ని తింటుంది. ధీరజ్ నోట్లో ముద్దుపెట్టుకుంటూ తండ్రి అన్న మాటని గుర్తు చేసుకుని బాధపడతాడు. తిండి ఎలా సహిస్తుందిరా అన్న మాటే ధీరజ్‌ని మరింత బాధపెడుతుంది. ఈ తిండి నేను సంపాదించుకున్నదేనని గర్వంగా తింటాడు.
ఇక పెద్దోడు పెళ్లి విషయంలో చిచ్చు పెట్టేసిన భద్రవతి.. రామరాజు కోసం గుమ్మంలో ఎదురుచూస్తుంటుంది. ఇంతలో రామరాజు దిగులుగా నడుచుకుంటూ వస్తాడు. అది భద్రవతి, సేనాపతి, విశ్వలు చూసి ఆనందపడతారు. అక్కా ఆ రామరాజు గాడు వచ్చాడు వాడ్ని చూడు.. మొహంలో నెత్తురు చుక్క లేదు.. ప్రాణం ఉన్న జీవశ్చవంలా ఉన్నాడు చూడని భద్రావతితో సేనాపతి అంటాడు. అప్పుడే ఏమైంది సేనా.. కొద్ది రోజులు పోతే పెద్ద కొడుక్కి పెళ్లి కావడం లేదనే బాధలో చచ్చినా చస్తాడని భద్రవతి అంటుంది. అది విన్న రామరాజు.. ఎదుటి వాళ్లని హింసపెట్టి ఆనందపడే వాళ్లని రాక్షసులని అంటారు. మీరు కూడా అలాంటి జాతేనని నిరూపించుకున్నారు కదరా అని రామరాజు అంటాడు. ఏంట్రా వాగుతున్నావని సేనాపతి దూసుకుని రావడంతో రామరాజు తిరగబడతాడు. ఇంతకు ముందు నా పెద్ద కొడుక్కి చూసిన సంబంధాలన్నీ కుదిరినట్టే కుదిరి చెడిపోతుంటే కారణమేంటో తెలియక చాలా బాధపడ్డాను.. కానీ ఆ సంబంధాలన్నీ మీరే చెడగొట్టారని ఈరోజే అర్థం అయ్యిందిరా.. ఇంతకు ముందు వరకూ మీపై నాకు కోపం మాత్రమే ఉంది.. మీరు నా కొడుకు పెళ్లి సంబంధాలను చెడగొడుతున్న నీఛులని తెలిసిన తర్వాత అసహ్యం వేస్తుందని రామరాజు అంటాడు.
ఏంట్రా వాగుతున్నావని భద్రవతి వస్తుంది. ఏయ్ ఛీ ఆపు.. పాతికేళ్లుగా నువ్వు నన్ను ఎన్ని మాటలు అన్నా.. ఎంతగా అవమానించినా భరించాను. కేవలం నా భార్యకి అక్కవి అనే కారణంతో వదిలేశాను. అసలు నువ్వు మనిషివే కాదని నిరూపించుకున్నావ్.. ఒక మనిషి ఎన్ని తప్పులు చేసినా సరే.. ఏనాటికైనా బుద్ది తెచ్చుకుంటాడు. కానీ మీరు నన్ను పాతికేళ్లుగా క్షోభపెడుతూనే ఉన్నారు. మీ తప్పుని సరిదిద్దుకునే ప్రయత్నం చేస్తున్నారు. పాతికేళ్లుగా నాకు నరకం చూపిస్తున్నారు.. అది చాల్లేదా? ఇప్పుడు నా పెద్ద కొడుకు జీవితంతో కూడా ఆడుకోవాలా అని రామరాజు అని నిలదీస్తాడు. ఇంతలో వేదవతి వచ్చి.. ఏమైందండీ.. వీళ్లు పెద్దోడి జీవితంతో ఆడుకోవడమేంటని అడుగుతుంది. పెద్దోడికి, శ్రీవల్లితో కుదిరిన పెళ్లి సంబంధం చెడిపోయిందని.. వీళ్లే చెడగొట్టేశారు. ఈ సంబంధం ఒక్కటే కాదు బుజ్జమ్మా.. ఇంతకు ముందు సంబంధాలను చెడగొట్టింది కూడా వీళ్లేమని వేదవతితో రామరాజు చెప్తాడు. అసలు మీరు మనుషులేనా? నా పెద్ద కొడుకు జీవితంతో ఆడుకుంటారా అని వేదవతి అడుగుతుంది. మా బతుకేదో మేం బతుకుతున్నాం.. పాతికేళ్లుగా నాపై పగ సాధిస్తూనే ఉన్నారు. మీ కోసం చల్లారకపోతే నాపై చూపించండి. అంతేకానీ అమాయకుడైన నా పెద్ద కొడుకుపై చూపించడం ఎందుకు.. వాడి జీవితంతో ఆడుకోవడం ఎందుకని రామరాజు ఎమోషనల్ అవుతాడు.
ఏంట్రా తెగ ఫీల్ అయిపోతున్నావ్.. నీ పిల్లలది మాత్రమే జీవితమా.. ఎదుటి వాళ్ల పిల్లలది జీవితం కాదా.. నీ కొడుకుది మాత్రమే భవిష్యత్.. నా మేనకోడలది భవిష్యత్ కాదు.. నీ కొడుకు పెళ్లి సంబంధం చెడిపోయినందుకే నీకు అంత బాధగా ఉంటే.. తెల్లారితే పెళ్లి అనగా.. నా మేనకోడల్ని లేపుకుని వెళ్లాడు నీ చిన్న కొడుకు.. మరి నాకెంత బాధ ఉండాలని ధీరజ్, ప్రేమల గురించి మాట్లాడుతుంది. నా కూతుర్ని మహారాణిలా పెంచానురా.. కానీ నీ కొడుకు దాన్ని ఎంగిలి కప్పులు ఎత్తే పరిస్థితికి తీసుకొచ్చాడు. మా బిడ్డ గురించి మాకు కడుపుకోత ఉండదా అని సేనాపతి అంటాడు.
ఇక సమాధానం చెప్పలేక అక్కడ నుంచి వెళ్లిపోతుంటాడు రామరాజు. దాంతో భద్రవతి.. రేయ్ రామరాజూ గుర్తు పెట్టుకో.. ఇదే కాదు.. నీ పెద్దకొడుక్కి నువ్వు తెచ్చే ప్రతి సంబంధాన్ని చెడగొడుతూనే ఉంటాను.. నీ కొడుక్కి పెళ్లి కాకుండా చేసి నువ్వు కుళ్లి కుళ్లి ఏడ్చేలా చేస్తానని అంటుంది. దాంతో వేదవతి.. మీరు నిజంగా రాక్షసులే.. అని ఆవేదన చెందుతుంది. ఇక రామరాజు, వేదవతి ఇంటికి వచ్చేస్తారు. రేయ్ నువ్వు జీవితంలో చేసిన అతి పెద్ద తప్పు.. ఏదైనా ఉందంటే.. అది నువ్వు ఈ అమ్మాయిని పెళ్లి చేసుకోవడమే అని ధీరజ్ తో రామరాజు అంటాడు. ఆ మాటతో ధీరజ్, ప్రేమ ఇద్దరు ఎమోషనల్ అవుతారు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
